ఇరాన్ పై ఈరోజు అతిపెద్ద దాడి.. అమెరికా సంచలన ప్రకటన

పశ్చిమాసియాలో యుద్ధం రోజు రోజుకూ తీవ్రం అవుతోంది. ఇరాన్ లోని అనేక లక్ష్యాలపై అమెరికా, ఇజ్రాయెల్ భారీ దాడులు చేస్తున్నాయి. నిర్దేశిత లక్ష్యాలను ధ్వంసం చేస్తున్నాయి. ఈ నేపథ్యంలో శనివారం రాత్రి ( భారత కాలమానం ప్రకారం) ఇరాన్ పై అతిపెద్ద దాడి చేయబోతున్నట్టు అమెరికా ఆర్ధిక మంత్రి స్కాట్ బెసెంట్ ప్రకటించటం ప్రాధాన్యం సంతరించుకుంది. ఇరాన్ వ్యాప్తంగా మిస్సైల్ లాంచర్లు, క్షిపణి తయారీ, ప్రయోగా కేంద్రాలన్నింటినీ ఒక్క దెబ్బలో తుడిచి పెట్టేస్తామని ఆయన పేర్కొన్నారు.